بذكرة مقتلك يا سيد محمد ******* أضل انشد عليك العين واتفگد

Haedir Assad‎
بذكرة مقتلك يا سيد محمد ******* أضل انشد عليك العين واتفگد
================
الكل غايب تصير الروح ملهوفه ***** أغلى أثمان تدفع لو يصح شوفه
ونه من اشتاگ روحي تروح للكوفه**** واسمع حضرتك يا سيدي تردد

... ترددها بحزم هيهات للذله ********* يالصوتك شفاء الكل وبه وعله
وعسى لعيني العمه ولآ شوفك تمله ***** والملك عسا طول الدهر أرمد

يالذليت لله الغيره ما ذليت ******* يبو النفس الابيه وعالشرع حاميت
يالمرجع الفريضه وبالخطب ناديت *** وضل صوت النعم للجمعه يتردد

يتردد خطابك كل فرظ جمعه ******* وضل صوتك يدوي العالم يسمعه
ويضل اسمك صعب ما غيرك يجمعه ** وتفسيرك صعب يا سيد مـــــحمد

تفسيرك صعب ما توصفه الاقلآم ***** يكتبون اليحج بيت الله بالإسلام
يطوف البيت ألآ ولابس الإحرام ***** بس انته أحرمت بالكوفه يا سيد

بكل جمعه أحرمت وحرامك الأكفان ** وعالمنبر تحج من ترجم الشيطان
بحجر كلآ ترجمه وتلعن الطغيان *** وهم ترجم عاليــــــــك الگام يتمرد

التمرد عليك تمرد أعلى الدين ****** لئن انته امتدادك طاهر منحــسين
يالمطور عمرنا الفات من سنين **** بشخصيتك تطور عابر أعلى الحد

اذكر چلمتك وارجع ارددهـــــا **** الگه حســـــــين منبعها وموارد ها
وأضل بين النفس والروح اعددها **من تلعن طغات الكون بيها انشد

تضل درس الإباء ومدرسة أجيال ****وتضل الكرامه وثابت اعلى البال
وضي نورك يضوي بكل خميس اهلآل ** وكل جمعه بصلآة الواجبه انعيد